O oso quería voar e o corvo quería ser forte como un oso. Como conseguilo? A solución parecía sinxela: só tiña que trocar as ás polos brazos e… a voar!… ou non?
O oso quería voar e o corvo quería ser forte como un oso. Como conseguilo? A solución parecía sinxela: só tiña que trocar as ás polos brazos e… a voar!… ou non?
A autora alemá, asentada en Barcelona, Monika Klose tráenos unha divertida historia sobre soños, lealdades e acordos incumpridos, cunha mensaxe clara: en cada un de nós hai cousas de valor, só cómpre mirar no noso interior, valorar as nosas capacidades e nunca deixar de soñar, porque quen sabe se un día…
O ilustrador portugués André da Loba deseñou unha orixinal proposta visual, na que emprega unha serie de esculturas de cartón. Os escenarios presentan fondos lisos e claros, poboados con personaxes de concepción cubista e gran forza expresiva, e todo en cores primarias.
O seu traballo plástico alicérzase nunha investigación anterior durante a que o artista portugués estudou o movemento e o equilibro en figuras tridimensionais realizadas con material de refugallo.
PREMIO DE ILUSTRACIÓN 2008 no certame PREMIOS VISUAL DE DESEÑO DE LIBROS
Texto de Monika klose Ilustracións deAndré da Loba
