País das Apertas
O auditorio Casa da Cultura de Burela acolleu o sábado, día 5, ás preto de 300 persoas interesadas en coñecer a través de contos e cancións o País das Apertas, que non ten fronteiras, pero cabe na imaxinación de calquera. Alí vive un principiño que debeu escapar dalgún libro, un grilo cantareiro e unha nena máxica , transparente coma unha pompa de xabón que, cando soña, enche o aire de risas e misterios.