Colección Q

O que ben che quer

Xosé María Álvarez Blázquez & Berta Cáccamo

ISBN 978-84-9871-030-4

13,50

Cantidade:
INFORMACIÓN
  • Paxinas 32 páxs.
  • Encadernación cartoné
  • Medidas 15x20 cm
  • Publicación febreiro 2008

Unha mañá do mes de maio de hai moitos anos coouse por debaixo da porta un airiño que recendía a rosas. O ar, que viña cantando, traía no colo unha nena acabada de nacer, a filla de María Luísa e mais de Xosé María, o seu home, e o escritor ao que se lle dedicou o Día das Letras Galegas en 2008.


Descrición

Unha mañá do mes de maio de hai moitos anos coouse por debaixo da porta un airiño que recendía a rosas. O ar, que viña cantando, traía no colo unha nena acabada de nacer, a filla de María Luísa e mais de Xosé María, o seu home, e o escritor ao que se lle dedicou o Día das Letras Galegas en 2008.

Tanta graza lles fixeron aos pais, as cores da cara da meniña: o louro do cabelo, o azul intenso dos ollos, por non falar daquelas fazulas vermellas, que lle puxeron de nome Colorín. Alén diso, Xosé María escribiu unha serie de poemas para ela, que OQO Editora acaba de publicar nunha edición moi especial, con ilustracións da filla do poeta, a artista Berta Cáccamo.

 

O que ben che quer, confórmano por unha parte, algunhas desas composicións que o autor escribira para a súa filla Colorín e que ficaran inéditas, xunto con outros poemas, xa incluídos por Álvarez Blázquez no seu poemario Roseira do teu mencer.

 

Con este volume, Berta Cáccamo homenaxea o labor poético do seu pai, por medio do seu imaxinario plástico, con creacións en acuarela, abstraccións en trazos delicados. Deste xeito, a artista viguesa que pon ao servizo da palabra poética, as cores do seu pincel, ofrécenos neste volume unha obra depurada e suxestiva, sinxela mais cunha gran forza expresiva. Pola súa banda, o poeta Xosé María Álvarez Cáccamo, outro dos fillos do autor das Letras Galegas 2008, agasállanos cun prólogo que nos introduce no universo poético de rimas e xogos, que celebran o nacemento da vida.

 

 

Texto de Xosé María Álvarez Blázquez

Ilustracións de Berta Cáccamo