O día en que a mamá se lle puxo cara de teteira

Descrición

A mamá de Marquiños estaba tan anoxada que empezou a botar fume pola boca coma se fose un dragón. Ao momento, o seu nariz converteuse nun biquelo; e a súa orella esquerda, nunha asa. Un pouco despois Marquiños recollía do chan unha teteira que se parecía moito a súa nai. Asustado, o neno foi ver a súa veciña, a avoa Lubi, o tío Xesús, o amigo Paco, o bibliotecario, o señor Ignacio… pero ninguén parecía capaz de arranxar aquilo.

Relato áxil, fresco e cheo de sentido do humor, que engancha desde o primeiro momento e que, mediante a combinación do cotián e do inesperado, nos traslada a un mundo fantástico e cheo de ritmo onde calquera cousa pode suceder. Un conto para transmitirmos aos nenos o pracer pola lectura, e sobre todo para aqueles que cren que a imaxinación constitúe a mellor ferramenta para aprender da realidade.

O ilustrador portugués João Vaz de Carvalho, coas súas imaxes, conecta co surrealismo do texto e crea personaxes característicos, de pose ríxida e ollos grandes, nun imaxinario particular que xoga coa fantasía e o humor.

DIPLOMA PREMIOS VISUAL DE DESEÑO DE LIBROS 2007

Texto deRaquel Saiz

Ilustracións de João Vaz de Carvalho

Tradución do castelán de Sara Monda