Chega un avión!

Cando o tío Lalo vén comer á casa, senta ao meu lado e xogamos ao avión.

A comida pode ser un momento de diversión e unha oportunidade para estreitar lazos afectivos. Isto é o que sucede entre o noso pequeno protagonista e o seu tío Lalo.

A través do xogo, ambos crean un vínculo, á vez que o fan co resto da familia. O tío vaille ofrecendo ao seu sobriño pequenas culleradas de comida, apelando á figura da avoa, do avó, do pai e da nai, para incentivar que o neno coma. Debido á dificultade de abstracción en lectores de tan curta idade, a ilustradora, Simona Mulazzani, optou por incluír unha orixinal referencia visual de cada membro da familia: fotos das súas caras que o tío Lalo lle mostra ao neno.

Deste xeito, activa no pequeno recordos e experiencias sensoriais vinculadas a cada un deles: A comida sábeme doce, coma o sorriso de mamá. E quero outra, e outra, e outra! Un xeito divertido e saboroso, a través do sentido do gusto, de crear recordos multisensoriais que irán formando a base da memoria.

Texto de José Campanari

Ilustracións de Simona Mulazzani
Tradución do castelán de Laura Rubio