Unha vella moi vella e un vello moi vello desexaban con todas as súas forzas ter un bebé, pero non tiñan nin idea de como facelo. Despois de moitos intentos, de experimentaren diversas fórmulas e mesmo de pediren a colaboración de Reis e de cegoñas, chegaron a unha conclusión: facer un fillo non é tan sinxelo. Un día a velliña tivo unha idea…
13,50€ – 14,90€
Unha vella moi vella e un vello moi vello desexaban con todas as súas forzas ter un bebé, pero non tiñan nin idea de como facelo. Despois de moitos intentos, de experimentaren diversas fórmulas e mesmo de pediren a colaboración de Reis e de cegoñas, chegaron a unha conclusión: facer un fillo non é tan sinxelo. Un día a velliña tivo unha idea…
Con agudo sentido do humor, esta versión libre dun conto tradicional mongol, urde unha trama chea de delicados detalles, a partir dun dos grandes misterios da vida: de onde veñen os nenos?, ao tempo que desenvolve o tema da idade e da procreación, ambos temas, apenas tratados na literatura infantil.
Nestes tempos en que semella que nada bo nos agarda xa, tras a chegada da vellez, velaquí unha historia que se rebela contra os tópicos. O fermoso final de Bebé Bigotes anima a reformularmos as nosas relacións e a vivirmos con intensidade, asumindo o feito de sermos vellos como un privilexio. Reivindica ademais, o dereito ao amor e ao pracer a calquera idade, xa que, a pesar das mudanzas físicas, a palabra, os sentimentos e as arelas non morren co paso dos anos. Un conto para gozarmos, sexa cal for a nosa idade.
Texto de Patacrúa, a partir dun conto popular mongol Ilustracións de Alessandra Cimatoribus
