3×3 The Magazine of Contemporary Illustration

OQO forma parte do xurado internacional da Mostra de Álbum Ilustrado, da revista ‘3×3 The Magazine of Contemporary Illustration’

Belén G. Freijeiro, de OQO editora, forma parte do xurado internacional que avaliará os traballos de ilustración que se presenten á Mostra de Álbum Ilustrado, que organiza a revista neoiorquina “3×3 The Magazine of Contemporary Illustration”.

Esta publicación é a primeira revista dedicada exclusivamente á arte da ilustración contemporánea. Edítase nos Estados Unidos de América (EUA) e distribúese por todo o mundo.

Este certame conta con varias categorías (dirixido ao público infantil, ao adulto ou ao ámbito educativo) e inclúe tanto traballos publicados, como aqueles que aínda non se editaron.

 

OQO editora é a única representación española no xurado, composto por Ann Bobco de Atheneum Books for Young Readers a part of Simon; Rachael Cole, Director de Arte de Schwartz & Wade; Erica Wagner da editorial australiana Allen & Unwin; e os ilustradores Judith Drews (Alemania) e Julien Chung (Canadá).

 

O prazo de presentación de traballos xa se abriu e poderase enviar material ata o vindeiro 3 de maio.