O traballo de Roger Olmos para o álbum de OQO “O crebacabezas” foi elixido pola OEPLI (Organización Española para el Libro Infantil y Juvenil) para formar parte da Bienal de Ilustración de Bratislava 2013.
“O crebacabezas” está incluída entre as 15 obras escollidas pola OEPLI para representar a España nesta prestixiosa exposición internacional de ilustracións para nenos e mozos, organizada polo Ministerio de Cultura da República Eslovaca, a Comisión Eslovaca da UNESCO e a Casa Internacional da Arte para Nenos.
A Bienal de Bratislava 2013 terá lugar nos meses de setembro e outubro deste ano. Durante a súa celebración concederanse varios premios, entre os que se atopan o “Gran Prix” e as “Mazás de Ouro”.