Os sete cabritos

Descrición

Había unha vez sete cabritos que vivían felices nunha cabana do bosque coa súa mamá; pero preto de alí roldaba un lobo feroz…

Conto tradicional amplamente difundido e popularizado a partir da versión do clásico de Grimm. Trátase, xa que logo, de todo un referente dentro dos relatos infantís que vén para alimentar a imaxinación dos pequenos lectores e achega calidade ao panorama da literatura infantil actual.

Un conto que produce emocións intensas e unha historia para perder o medo aos «lobos feroces». Aquí, os máis pequenos, dunha forma simbólica, enfrontaranse con conflitos básicos como a ausencia da nai, o encontro con seres malvados ou circunstancias adversas,… e iso axudáraos a confiar neles mesmos e a avanzar no seu proceso de maduración persoal.

A renovada versión de Tareixa Alonso complétase coas particulares ilustracións de Teresa Lima, que nos presentan uns personaxes ben definidos e mais un lobo que non deixa de ter o seu atractivo.

Distinción do Xurado do Premio Nacional de Ilustración de Portugal

Texto de Tareixa Alonso, a partir dun conto popular

Ilustracións de Teresa Lima