“Un dedo é o que necesita un neno para facer que as cousas aparezan e desaparezan” Este formato propón “achegar” historias a través da palabra escrita, a palabra narrada, a imaxe debuxada e a imaxe en movemento. En definitiva, mediante a narrativa, a narración oral, a plástica e o cinema. Propoñemos actividades deseñadas para traballar estes contidos, co obxectivo de que tanto docentes como escolares poidan: – Estimular o uso das Novas Tecnoloxías en traballos en grupo. – Integrar Novas Tecnoloxías e Humanismo.

Contos e cinema danse a man para presentar “Contos en movemento”, unha proposta de traballo co obxectivo de animar a empregar os medios audiovisuais / cinema nas aulas e realizar un achegamento a esta arte na súa máis ampla expresión. Os participantes ao taller adquirirán criterios e coñecementos para identificar planos, secuencias, a estrutura ou reparar no universo narrativo, plástico e sonoro do filme.

Un quilo de fariña, un puñado de sal, un chorro de pintura e unha historia son os ingredientes necesarios para realizar “Coas mans na masa”.